Nisida e Posillipo

Uocchie e brace, l’ammore

Ca l’appiccia, ‘stu core

E Posillipo guard’ o’ mare.

Nenna balla e suspira,

e profuma de viole,

e s’ammesca a tutt’ e’ penzier.

Nisida, 

si pe te vasà

Putess’ essere 

'o vient ca spira…

Nisida, 

no nun me guardà:

l’uocchie tuoje 

so comm' a na caiola.

Canta, comm a na sirena,

a nott se fa scura

e non voglio sunnà

A voce ‘do mare è na carezza

Ma tu si chella rezza

Che me fa affunnà

Nisida è na cerasa,

è chiù rossa ‘de rose

e Pusillipo n’arreposa.

Chiù ‘nziriosa do mare,

ma è chiù doce o dulore

se passanno te guard’ ancora.

Nisida, si pe te vasà

Putess esser l’onna c’arriva

Nisida, nun voje sunnà

Ca stu suonn è comm a na caiola

Canta, comm a na sirena

A notte se fa nera

voglia e te menà:

canto do mare è na carezza,

te purtarrà, ca vrezza,

sta smania e te vasà.

Testo: Rita Saviano

Musica: Nunzio Nunziato