Madonna 'e mare

Madonna ’e mare, signora d’ ’o viento,

fallo passà stu malu tiempo.

Pe' l’onne scure na ’ barca va

'o mare a’ chiamma senza parlà,

'a luna 'n cielo se vo' affaccià

e 'nu segreto ce vo' purtà,

'o piscatore guarda a’ mare

Bella Madonna se fa 'ncuntrà,

una preghiera pe tutt’o’ paese

e chesta fede ce fa cantà.

Madonna 'e mare, tu 'si 'a speranza,

a mana toja o’ male scanza,

ncopp' 'a 'sta terra puortece 'a luce

ca tutt’a’ gente facesse pace.

'Ncopp' 'o mare sta barca cammina

tra l'onne e 'o scuro, ma nun perde ‘a via,

‘a fede è ‘a forza ca purtamm’ vicino

Madonna 'e mare, Madonna mia.

Ogni stella è ‘nu faro ca sponta,

guardo ‘o cielo, ‘o core mio se’ conta,

pe’ chi soffre, ‘sta voce canta,

è 'na ‘a speranza ca nun tramonta.

Pe' dint’ all’onne luce cumpare,

Bella Madonna se fa vedè,

‘nfunn o’ mare 'na stella pare

e pe' sempe vo sta cu mme’,

ogne anno te facimmo festa

e chesta fede ce fa cantà,

'o core parla, stamme vicino

'stu momento nun se po' scurdà.

Madonna 'e mare, tu 'si 'a speranza,

a mana toja o’ male scanza,

ncopp' 'a 'sta terra puortece 'a luce

ca tutt’a’ gente facesse pace,

si tutt’a’ gente facesse pace

dint’a sti nott’ turnass a’ luce

e tutt’ e’ stelle che aggio guardato

a te e purtasse pe’ corona

'O ritmo batte, ‘a fede nun more,

‘na luce ‘nfunn' 'o mare chiamma amore,

tutt’ ‘e gent’, e ogni culore,

sotto 'o segno e chi ten’ valore,

barca ‘e suonne, barca ‘e speranza,

'o ritmo batte, e o’ bene avanza,

siente ‘sta voce, cu’ a’ forza canta,

voce e’ speranza nun tramonta.

Madonna 'e mare, pe chistu munno

puortece tu, ca a notte è scura,

facce vedè 'a luce d'o bene,

'na sola fede, 'na sola voce.

Madonna 'e mare, tu 'si 'a speranza,

a mana toja o’ male scanza,

ncopp' 'a 'sta terra puortece 'a luce

ca tutt’a’ gente facesse pace,

si tutt’a’ gente facesse pace

dint’a sti nott’ turnass a’ luce

e tutt è stelle che aggio guardato

a te e purtasse pe’ corona

Testo e musica Nunzio Nunziato