Leggenda napoletana

Sient’ ’e pass’ mmiez’ ’e scale,

ma nisciuno sta saglienno,

’na fenesta ca s’arape,

ma nun sta vuttann' ’o viento.

Nun se fa vedé maje,

e cumbina sulo guaie,

e po' arriva all’intrasatta,

proprio comme fa 'a jatta.

Nun è santo o diavulill',

è sultanto ’o Munaciello

si te piglia ’a simpatia,

fatte ‘a croce… e accussì sia!

nun è santo o diavulill',

è sultanto ’o Munaciello

si te piglia ’a simpatia,

beneritto… bene mio!

'Nu respiro piccerillo,

'nu rummore dint’ ’a nuttata,

'nu lamiento ’e na criatura,

'na lampata dint’ ’o scuro.

Trase, iesce, iesce e trase,

e po' t’arrevota ’a casa,

basta sulo 'nu mumento

e te leva pure 'a pace

Nun è santo o diavulill',

è sultanto ’o Munaciello

si te piglia ’a simpatia,

fatte ‘a croce… e accussì sia!

nun è santo o diavulill',

è sultanto ’o Munaciello

si te piglia 'a simpatia,

beneritto… bene mio!

Zì Matilde c'ha cuntato

ca sta storia 'o vero è stata

'nu criatur' curiusiello

figlio 'e amanti sfurtunati

Nato dint' a nu cunvento

pe' fa' voto 'a la Madonna

fuje vestuto 'a munaciello

pe' cercà ‘e paré cchù bello

ma na sera bell' e buon'

mamma mà, che succedette?

'o munaciello scumparette...

e nisciuno cchiù 'o vedette

tutt’a’ gente dint’’e viche

chi 'o cercava 'a ccà e 'a llà

chella notte fuje capace

e nun se fa cchiù truvà

Nun è santo o diavulill',

è sultanto ’o Munaciello

si te piglia ’a simpatia,

fatte ‘a croce… e accussì sia!

Nun è santo o diavulill'

è turnat' ’o Munaciello

porta ‘o bene dint’ ‘a sta casa

trase, iesce, iesce e trase

Dint’ ’a senga ’e ’na fenesta

dint’ a nu pertuso ’e muro

sotto ’a porta, mmiez’ ’e trave

ruciulea pe’ tutte ’e scale

dint’ ’a cappa d’ ’a cucina

trase e jesce sera e matina

dint’ ’o puzzo, dint’ ’a cisterna

 e po’ din’t’  ‘a mascatura

trase, iesce, iesce e trase

comm’ a’ me nun trova pace

ma 'pe’ isso ‘o meglio posto

è pe’ dint' 'a capa nosta

Nun è santo o diavulill',

è sultanto ’o Munaciello

si te piglia ’a simpatia,

fatte ‘a croce… e accussì sia!

nun è santo o diavulill',

è sultanto ’o Munaciello

chi ce crede campa meglio,

pecché è 'a verità d' 'a ggente!

Testo e musica Nunzio Nunziato