Femmena arsa

Sott' a nu cielo semp' cchiù ardente, 

stamm’ acalate, cu ’e spalle abbruciate. 

Mmiez' ’e campagne senza cchiù ammore, 

cercamm’ pace dint’ ’o dulore. 

Senz’ammore,  dint’ ’o core

Senz’ammore,  dint’ ’o core

Fatica ‘e femmene, pe’ poco e niente, 

pe’ fa’ ’o lavoro ca l’ommo nun vo. 

Sott’ ’o padrone ca n’apprufitta, 

ce dà fatica ma nun ce rispetta. 

Nun rispetta e n’apprufitta,

nun rispetta e n’apprufitta

Femmena arsa, figlia ’e ’sta terra, 

so’ fuoco ’e core mmiez' a sta guerra. 

Niente me stuta, chest' è sicuro, 

chi me vo zitta se mette paura. 

Femmena arsa, figlia ’e ’sta terra, 

so’ fuoco ‘e ammore mmiez' a sta guerra. 

Niente me stuta, chest' è sicuro, 

chi me vo zitta se mette paura.

Lacreme chiene ca nisciuno vede, 

semp’ annascuse, dint’ ’a quatt' mura. 

Voci stutate, aneme scurdate

facce tagliate e core spezzate

Core spezzate, facce tagliate

Core spezzate, facce tagliate

Femmena arsa mai se spezza, 

s’aiza ogni vota, cu ’a furia dint’ ’o core. 

Cchiù le fai male, cchiù le daje forza, 

femmena e fiamma, na cosa sola. 

Chesta fiamma, cresce ancora

Comme ’a voce, ca nun more

Femmena arsa, figlia ’e ’sta terra, 

so’ fuoco ’e core mmiez' a sta guerra. 

Niente me stuta, chest' è sicuro, 

chi me vo zitta se mette paura. 

Femmena arsa, figlia ’e ’sta terra, 

so’ fuoco e ammore mmiez' a sta guerra. 

Niente me stuta, chest' è sicuro, 

chi me vo zitta se mette paura.

Jesce fora!

Sola sola, cammenave sola sola,

arrivaje ’o primm’ammore, te vuleva ’ncatena’.

Sola sola, rimaniste sola sola,

meglio sola ca ’a curreja ca te vuleva addrizzà.

Sola sola, po’ fuiste sola sola,

te truvaste ’na fatica, ’na fatica pe’ campà.

E quann’ ire piccerella, mamma toja te diceva:

“Vuò magnà pe’ tutta ’a vita? Sulo ’n’ommo t’ ’a truvà!”

Sola sola, cresce ’a forza dint’ ’o core,

ogni làcrema passata mo nun porta cchiù dulore.

Sola sola, mo nun siente cchiù paura,

mo nun siente cchiù paura o’ curaggio è libertà

o’ curaggio è libertà

Femmena arsa, figlia ’e ’sta terra, 

so’ fuoco ’e core mmiez' a sta guerra. 

Niente me stuta, chest' è sicuro, 

chi me vo zitta se mette paura. 

Femmena arsa, figlia ’e ’sta terra, 

so’ fuoco e ammore mmiez' a sta guerra. 

Niente me stuta, chest' è sicuro, 

chi me vo zitta se mette paura.

Testo e musica Nunzio Nunziato