Core e’ mamma

Quanti stell’ là, ncopp o ciel, tanti l’uocchie e’ criature

Sprufunnat’ dint’ a stu mare, ca s’è fatt cchù nir.

Ninno mio, nun’avé paur,  ‘mpiett’ a me staje sicur

Duorm, duorm, ca juorn schiara, e nà terra se vede

Aria pe respirà, na terra ca t’ po’ amà

Pecché a terra t’è mamma e o mare t’adda cunnulià

E’ lasciat’ l’Africa nera, fummo e guerra vedev’

Comm a’ luce e mill’ cannel, dint’ a notte cchiù nera

Ma tu duorm ca staje sicur, duorm ncopp a stu cor

Ncopp’ o mar, na’ voce amara, ca però spera ancora

Aria pe respirà, na terra ca te po’ amà

Pecché a terra t’è mamma e o’ mare t’adda cunnulià

Terra d’umanità, o’ suonn da libertà

terra, guarda a stu ninno: ncopp o core te l’e’ cunnulià.

Quanti stelle, là, ncopp o ciel (cielo d’Africa)

Tanti l’uocchie e’ creatur (miezz a l’onne do’ mare)

Troppi chianti, troppi paure (troppi lacrime)

Troppe pene e  dulor (troppi lacrime ancor')

Ninno, duorm, n’avé paur (ca ce portao mar)

Duorm ca juorno schiar (e s’e stregn o cor)

Duorm, duorm, ca staje sicur (ninna, ninna)

Sonna a terr ca già se ver (ninna, ninnaò)

Aria pe respirà, na terra addò può sunnà

Pecché a terra t’è mamma e o mare t’adda cunnulià

Terra d’umanità, o’ suonn da libertà

terra, guarda a stu ninno: ncopp o core te l’e’ cunnulià

Testo Rita Saviano – Musica Nunzio Nunziato